Թոմաս Տուխելը մեկնաբանել է «Ռենի» հետ խաղի արդյունքը և հերթական անգամ անդրադարձել է Նեյմարի շուրջ ստեղծված իրավիճակին։
«Մենք խփեցինք առաջին գոլը ու վերահսկում էինք խաղը։ Պետք է երկրորդ գնդակն ուղարկեինք ու ավարտեինք խաղը, սակայն չկարողացանք։ Նման պայմաններում դժվար է խաղալ։ Դու կարող ես ինչպես հաղթել այսպիսի խաղ, այնպես էլ պարտվել»։
Նեյմարի շուրջ ստեղծված իրավիճակի մասին Տուխելը ասել է հետևյալը․
«Եթե ՊՍԺ-ն չգտնի Նեյմարին համարժեք փոխարինողի, նա չի հեռանա։ Դա հնարավոր չէ, որ Նեյմարը հեռանա առանց փոխարինման։ Եթե նա մնա թիմում, մենք կունենանք ֆուտբոլիստ, ով կօգնի մեզ հաղթանակներ տանել»,-Տուխելի խոսքերն է մեջբերում Goal.com-ը։
