ԱՄՆ Միսիսիպի նահանգը պատրաստվում է կորոնավիրուսի հարցով դատական հայց ներկայացնել ընդդեմ Չինաստանի: Այս մասին հայտնում է The Hill-ը՝ մանրամասնելով, որ Միսիսիպիի գլխավոր դատախազ Լին Ֆիթչը ասել է, որ Չինաստանը համարժեք պատասխան չի տվել անցած տարվա դեկտեմբերին Ուհան քաղաքում կորոնավիրուսի համաճարակի բռնկմանը, ինչի հետևանքով ԱՄՆ-ում մոտ 48 000 մարդ է զոհվել:
«Չինաստանի կողմից այս ամենը կոծկելու հետևանքով Միսիսիպիի՝ չափից ավելի շատ բնակիչներ են տառապել: Նրանց չպետք է թույլ տալ գործել՝ մնալով անպատիժ: Մեր նահանգի բնակիչները արդարության հաստատման են արժանի, և ես դրան կհասնեմ դատարանում»,-հայտարարել է գլխավոր դատախազը:
Նշվում է, որ հայցը նաև ֆինանսական փոխհատուցում կենթադրի:
Նշենք, որ ավելի վաղ Միսուրի նահանգի գլխավոր դատախազը կորոնավիրուսի համաճարակի պատճառով դատական հայց է ներկայացրել ընդդեմ Չինաստանի:
Միսուրին Պեկինից պահանջում է փոխհատուցել այդ վնասը, ինչպես նաև Չինաստանին պաշտոնապես պատասխանատվության ենթարկել՝ երկրի տարածքում համավարակի ենթադրյալ կոծկման, այնուհետև հիվանդության տարածումը կանխելու ուղղությամբ ջանքեր չգործադրելու համար:
Հիշեցնենք, որ Չինաստանը Ուհան քաղաքում կորոնավիրուսի բռնկման մասին հայտարարել են 2019 թվականի դեկտեմբերի 31-ին: