Ֆրանս-շվեյցարացի կինոռեժիսոր Ժան-Լյուկ Գոդարի «Արհամարհանք» ֆիլմի սցենարի ձեռագիր տարբերակը վաճառել է Փարիզի Christie’s աճուրդում, հայտնում է Le Progres-ը։
Ձեռագիրը, որը 59 էջ է և գրված է կապույտ թանաքով, վաճառվել է 302,4 հազար եվրոյով։ Ի սկզբանե նմուշը գնահատվել է 120-ից 180 հազար եվրո։ Այն ներառում է նաև Գոդարի ուղղումներով 24 մեքենագրված թերթ։
Իտալացի գրող Ալբերտո Մորավիայի համանուն վեպի հիման վրա նկարահանված «Արհամարհանք» ֆիլմը էկրան է բարձրացել 1963 թվականին։ Ֆիլմը պատմում է սցենարիստ Փոլ Ջավալի մասին, ով փորձում է գումար աշխատել ֆիլմից։ Միևնույն ժամանակ նա կնոջը ծանոթացնում է կինոպրոդյուսերի հետ և աչք փակում կնոջ նկատմամբ տղամարդու հետաքրքրության վրա։ Ֆիլմում նկարահանվել են Բրիջիթ Բարդոն, Միշել Պիկոլին, Ֆրից Լանգը և այլոք։
Ավելի վաղ հաղորդվել էր, որ աճուրդի է հանվել ռեժիսոր Անդրեյ Տարկովսկու «Հայելի» ֆիլմի սցենարը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
