Հայաստանի սահմանին շարունակվում է եվրոպացի դիտորդների առաքելությունը:
Այս մասին հայտարարել է Ֆրանսիայի արտաքին գործերի նախարար Կատրին Կոլոննան:
Նա ընդգծել է, որ Ֆրանսիան կաջակցի Հայաստանի տարածքային ամբողջականության պահպանմանը: Փարիզը երկկողմանի նախաձեռնություններ կձեռնարկի Երևանի հետ, ինչպես նաև ՄԱԿ-ում և ԵՄ շրջանակներում։
Կոլոննան խոստացել է նաև, որ Ֆրանսիան միջոցներ կուղարկի Հայաստան՝ Լեռնային Ղարաբաղի տարածքում ադրբեջանական ռազմական գործողությունից տուժածներին օգնություն ցուցաբերելու համար, տարածաշրջանում տեղի ունեցող վերջին իրադարձությունների ֆոնին, 2023 թվականին կավելացնի Լեռնային Ղարաբաղին և Հայաստանին տրամադրվող օգնությունը՝ 5 միլիոն եվրոյից հասցնելով 12 միլիոնի։
