Ֆրանսիայի Շինոն ատոմակայանում հրդեհ է բռնկվել

Ֆրանսիայի կենտրոնական մասում գտնվող «Շինոն» ատոմակայանում հրդեհ է բռնկվել, երկու էներգաբլոկների աշխատանքը ժամանակավորապես դադարեցվել է:

France Bleu ռադիոկայանի տվյալով՝ հրդեհը տարածվել է երրորդ էներգաբլոկում, որտեղ չճշտված պատճառներով բռնկվել է գլխավոր տրանսֆորմատորը, գործարկվել է հրդեհաշիջման համակարգը: Նշվում է, որ կրակը մարվել է, բնակչության կամ շրջակա միջավայրի համար վտանգ չկա, քանի որ հրդեհը տեղի է ունեցել «միջուկային գոտուց դուրս»: