ՀՀ կառավարության շենքի դիմաց երեկ նստացույց էին իրականացնում Խծաբերդում գերեվարված շիրակցիների հարազատները՝ պահանջելով հանդիպում ՀՀ վարչապետ Նիկոլ Փաշինյանի հետ։
Սրա վերաբերյալ Փաշինյանի մամուլի խոսնակ Մանե Գևորգյանը հարց է ուղղել Armenpress-ը։
Գևորգյանը նշել է, որ կոնկրետ Խծաբերդում գերեվարված շիրակցիների հարազատների հետ վարչապետը վերջին 9 ամսում ունեցել է 9 հանդիպում, որոնցից 2-ը Շիրակի մարզում։
Նա ասել է, որ գերեվարվածների հարազատները գիտեն, որ վարչապետի հետ պարբերաբար հանդիպելու հնարավորություն ունեն ու դրա համար կա կոնկրետ մեխանիզմ։
Ելնելով վերոգրյալից, Գևորգյանը տարակուսանք է հայտնել՝ նստացույցի միջոցով վարչապետի հետ հանդիպում պահանջելու գործելակերպի վերաբերյալ, որքան էլ որ հասկանալի է գերեվարվածների հարազատների վիճակը։
