Ղազախստանի նախագահ Նուրսուլթան Նազարբաևը իր աջակցությունն է հայտնել ՀԱՊԿ գլխավոր քարտուղարի պաշտոնին հավակնող Բելառուսի թեկնածու, երկրի Անվտանգության խորհրդի քարտուղար Ստանիսլավ Զասին: Այս մասին Նազարբաևը եւ Զասն այսօր խոսել են Աստանայում, հաղորդում է EADaily-ն:
«Սանկտ Պետերբուրգում պետությունների ղեկավարները որոշում են կայացրել աջակցել Ձեր թեկնածությանը, որ առաջարկել է Ալեքսանդր Լուկաշենկոն: Դուք արդեն սկսել եք հանդիպել կազմակերպության անդամ երկրների ղեկավարների հետ: Արդեն Բիշքեկում եք եղել: Ինչպես հայտնի է, Ղրղզստանը ներկայումս նախագահում է ՀԱՊԿ-ում: Համոզված եմ, որ ձեր հանդիպումները լավ են անցել»,- հիշեցրել է Ղազախստանի նախագահը:
Աղբյուրի փոխանցմամբ, Նազարբաևը կարծիք է հայտնել, որ Զասն ունի անհրաժեշտ հմտություններն ու գիտելիքները այդ պաշտոնում աշխատելու համար: «Դուք զինվորական եք եւ համապատասխան կրթություն ունեք: Աշխատել եք Բելառուսի Հանրապետության Անվտանգության խորհրդի Գլխավոր շտաբում: Դուք ծանոթ եք ՀԱՊԿ-ի աշխատանքին, մասնակցում եք տարբեր հանդիպումների եւ կոնֆերանսների: Մենք կաջակցենք ձեզ», – ընդգծել է նա:
ԽՈՐՀՈւՐԴ Է ՏՐՎՈւՄ ԿԱՐԴԱԼ
