Ֆլորիդայի ծովային կրիաները բախվում են կլիմայի փոփոխության հետևանքով վատթարացող եզակի խնդրի։
«Սարսափելին այն է, որ Ֆլորիդայի վերջին չորս ամառները եղել են ռեկորդային ամենաթեժ ամառները», – ասում է Բեթ Զիրկելբախը, կրիաների հիվանդանոցի մենեջերը։
«Գիտնականները, ովքեր ուսումնասիրում են ծովային կրիաներին, չեն գտել տղա ծովային կրիաներ, վերջին չորս տարիների ընթացքում միայն էգ ծովային կրիաներ են եղել», – հայտնել է Զիրկելբախը:
Պատճառներից մեկն այն է, որ կլիմայական ճգնաժամը խանգարում է Երկրի բնական էկոհամակարգերին՝ չափազանց արագ զարգանալով:
Երբ էգ կրիան բույն է փորում լողափում, ավազի ջերմաստիճանը որոշում է ձագերի սեռը: Մասնագետն ասում է, որ ավստրալական հետազոտությունը ցույց է տվել նմանատիպ վիճակագրություն. «ծովային կրիայի նորածինների 99%-ը էգ է»:
Բեղմնավորման ընթացքում սեռը որոշելու փոխարեն՝ ծովային կրիաների և ալիգատորների սեռը կախված է զարգացող ձվերի ջերմաստիճանից, ըստ Ազգային օվկիանոսագրական մթնոլորտային վարչության (NOAA):
Եթե կրիայի ձվերը ինկուբացվում են 81,86 Ֆարենհայթից (27,7 Ցելսիուս) ցածր ջերմաստիճանից, ապա կրիայի ձագերը արու են լինելու, մինչդեռ եթե նրանք ինկուբացվեն 88,8 F (31C) բարձր ջերմաստիճանում, ապա դրանք կլինեն էգ, ասվում է NOAA-ի Ազգային օվկիանոսի ծառայության կայքում:
«Տարիների ընթացքում կնկատվի կտրուկ անկում, քանի որ մենք պարզապես չունենք գենետիկական բազմազանություն», – ասում է Մայամիի կենդանաբանական այգում վերջերս բացված կրիաների հետազոտական կոնտրոնի ծովային կրիաների պահապան Մելիսա Ռոզալես Ռոդրիգեսը:
«Մենք չունենք արու-էգ հարաբերակցությունը, որն անհրաժեշտ է, որպեսզի կարողանանք հաջող բուծման սեանսներ ունենալ»: