2018 թ. hոկտեմբերի 26-ին, ժամը 16.10-ին, ոստիկանության Երևան քաղաքի վարչության օպերատիվ կառավարման կենտրոն էր զանգահարել 1982 թ. ծնված Խաչիկ Մ.-ն և հայտնել, որ նույն օրը, ժամը 02.00-ից 12.00-ն ընկած ժամանակահատվածում, տեխնիկական միջոցների գործադրմամբ կափարիչը բացելով, բակում կայանված իր «Մերսեդես» մակնիշի ավտոմեքենայից գողացել են էլեկտրական կարգավորող սարքը՝ պատճառելով 70.000 դրամի վնաս:
ՔՀ գլխավոր վարչության, Նոր Նորքի և Քանաքեռ-Զեյթունի բաժնի ծառայողների ձեռնարկած համատեղ օպերատիվ-հետախուզական միջոցառումների շնորհիվ պարզվել է, որ գողությունը կատարել է 1988 թ. ծնված Արա Մ.-ն:
Հունվարի 17-ին, ժամը 17.00-ին, ոստիկանության քրեական հետախուզության գլխավոր վարչության ծառայողները, գողություն կատարելու կասկածանքով, Քանաքեռ-Զեյթունի բաժին են բերման ենթարկել Արա Մ.-ին, որը մատնացույց է արել դեպքի վայրը:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է նախաքննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
