Որոնողափրկարարական աշխատանքներ են իրականացվում Հադրութի ու Ջաբրայիլի հատվածներում։
Դրանց արդյունքում հայտնաբերվել է 20 աճյուն, որից 19-ը՝ զինծառայողի, իսկ 1-ը՝ քաղաքացիական անձի։
Այս մասին լրատվամիջոցներին հայտնել են Արցախի ԱԻՊԾ-ից։
Նշվել է, որ փորձաքննություն է անցակցվում քաղաքացիական անձի ինքնությունը պարզելու համար, որի արդյունքում կպարզվի նաև՝ անձը զոհվել է պատերազմական գործողությունների հետևանքով, թե սպանվել է։