Այսօր լրագրողների հետ զրույցում ԱԺ «Իմ քայլը» խմբակցության անդամ Հայկ Կոնջորյանը նշեց, որ Պաշտպանության նախկին նախարար Վիգեն Սարգսյանին պաշտոնեական լիազորությունները չարաշահելու համար իբրև մեղադրյալ ներգրավելը համարում է նորմալ իրավական գործընթաց: Նա հավելեց, որ անընդունելի է համարում այս գործընթացներին քաղաքական ենթատեքստ տալը:
«Սա անհեթեթ շղարշ է, որով փորձում են պատել իրականությունը: Հանրությունը տեղյակ է՝ ինչեր են տեղի ունեցել Հայաստանում նախորդ տարիներին: Եթե ի հայտ են գալիս նոր հանգամանքներ և փաստեր, ապա իրավապահ մարմիններն ընթացք են տալիս գործին», – ասաց պատգամավորը: