ՌԴ Պետդումայի խոսնակ, ՀԱՊԿ ԽՎ նախագահ Վյաչեսլավ Վոլոդինը Հայաստանի Ազգային ժողովի նախագահ Արարատ Միրզոյանի հետ հանդիպման ընթացքում հայտնել է, որ հավաքական անվտանգության պայմանագրի կազմակերպության խորհրդարանական վեհաժողովի խորհրդի նիստը կկայանա հուլիսի 1-ին:
Նշվում է, որ կողմերը քննարկել են Ռուսաստանի և Հայաստանի հարաբերությունները, ինչպես նաև Լեռնային Ղարաբաղի շուրջ տիրող իրավիճակը:
«Մեր հարաբերությունները միջխորհրդարանական շփումներում զարգանում են»,- նշել է Վոլոդինը:
ՀԱՊԿ ԽՎ խորհրդի նիստը նախատեսվում է անցկացնել Դուշանբեում։
Այս մասին տեղեկանում ենք ՏԱՍՍ գործակալությունից։