Նախաձեռնվել է քրեական վարույթ, որի շրջանակներում ձեռնարկվում են անհրաժեշտ գործողություններ՝ մեքենան վարելու կանոնները խախտելու հետևանքով մեկ զինծառայողի մահվան և մի քանի զինծառայողների մարմնական վնասվածքներ պատճառելու դեպքի բոլոր հանգամանքները պարզելու ուղղությամբ:
Այս մասին հայտնում են ՔԿ տեղեկատվության և հասարակայնության հետ կապերի վարչությունից՝ մանրամասներ ներկայացնելով:
- Պեմզաշենում դաժան սպանությունից առաջ 12-ամյա աղջկա նկատմամբ սեռական բռնություն է կիրառվել. ՔԿ
- Եռաբլուրում ոստիկանների կողմից զոհված զինվորների ծնողներին բերման ենթարկելու դեպքով նախաձեռնվել է քրեական վարույթ․ ՔԿ
«Այսպես. նախնական տվյալներով՝ 2022 թվականի նոյեմբերի 16-ին ՀՀ ՊՆ N զորամասի պարտադիր ժամկետային զինծառայողը իր վարած «Կամազ» մակնիշի ավտոմեքենայով անձնակազմին զորամասից կրակային դիրք տեղափոխելու ճանապարհին խախտել է տրանսպորտային մեքենա վարելու կանոնը, որի հետևանքով մեքենան կողաշրջվել է, զինծառայողներից մեկը ստացած մարմնական վնասվածքներից մահացել է: Մյուսները ստացել են տարբեր մարմնական վնասվածքներ և տեղափոխվել կայազորային զինվորական հոսպիտալ:
Նախաքննությունը շարունակվում է»,- ասվում է հաղորդագրության մեջ: