Օգոստոսի 2-ին Արցախի Հանրապետության նախագահ Արայիկ Հարությունյանն ուղերձ է հղել Նիկոլ Փաշինյանին՝ ՀՀ վարչապետ նշանակվելու կապակցությամբ:
«Հարգելի՛ պարոն Փաշինյան,
ՀՀ վարչապետի պաշտոնը Դուք ստանձնում եք Հայաստանի Հանրապետության և Արցախի Հանրապետության համար բախտորոշ ժամանակաշրջանում: Հայկական պետականությունը կանգնած է մեծամեծ մարտահրավերների առջև, որոնք հաղթահարել կարող ենք միասնությամբ՝ համախմբելով բոլոր կարող ուժերը:
Պատերազմի հետևանքով խարխլված անվտանգային ու արտաքին քաղաքական դիրքերը ամրացնելու, ներքաղաքական ու տնտեսական կայունություն ապահովելու հարցում ՀՀ նոր կառավարությունը մեծ անելիքներ ունի:
- Արայիկ Հարությունյանն անցկացրել է բնակարանաշինական ծրագրերի վերաբերյալ խորհրդակցություն
- Արայիկ Հարությունյանը ՊՆ աշխատակազմին ու ԶՈւ սպայակազմին է ներկայացրել Արշակ Կարապետյանին
Համոզված եմ, որ ՀՀ իշխանությունները հաջողելու են միջազգային հարաբերություններում ՀՀ դերի ու վարկի բարձրացման հարցում և շարունակելու են հետևողական ու արդյունավետ աշխատել արցախահայության իրավունքների պաշտպանության, պատերազմի հետևանքների վերացման և Արցախի Հանրապետության միջազգային ճանաչման ուղղությամբ՝ էլ ավելի խորացնելով հարաբերությունները երկու հայկական հանրապետությունների միջև՝ հանուն մեր համազգային իղձերի իրականացման:
Հաջողություն եմ մաղթում Ձեզ ՀՀ վարչապետի պաշտոնում՝ նշված և այլ մեծ մարտահրավերները արժանապատվորեն հաղթահարելու ճանապարհին»,-ասվում է ուղերձում:
ԽՈՐՀՈւՐԴ Է ՏՐՎՈւՄ ԿԱՐԴԱԼ
