Մայրաքաղաքի Ազատության հրապարակում անցկացվել է հաշմանդամություն ունեցող մարզիկների սպարտակիադա: Ամենամյա այս մարզական միջոցառումը կազմակերպվել է Երևանի քաղաքապետարանի, Հայաստանի ազգային պարալիմպիկ կոմիտեի «Փրկություն» և «Սպորտը բոլորի համար» ՀԿ-ների համագործակցությամբ:
Շուրջ 130 մասնակիցներն ուժերն են չափել բասկետբոլ, վոլեյբոլ, բազկամարտ, ծանրամարտ, շոուդաուն, բոչա, շախմատ, սեղանի թենիս և ֆուտբոլ մարզաձևերում: Հաղթողները պարգևատրվել են գավաթներով՝ հայկական սպորտի հանրահայտ մարզիկների կողմից: Միջոցառումը նվիրվել է Եվրոպայում սպորտի շաբաթվան:
Այս մասին տեղեկացնում են Երևանի քաղաքապետարանի պաշտոնական կայքից:
