Աշխարհում այս պահի դրությամբ կատարվել է կորոնավիրուսի դեմ 9 միլիարդից ավել պատվաստում։
Այս մասին հայտնում է TASS-ը։
Նշվում է, սակայն, որ հնարավոր չէ ասել, թե կոնկրետ քանի բնակիչ է կոնկրետ պատվաստման բոլոր դեղաչափերը ստացել, իսկ քանիսը՝ ոչ, որովհետև շատ երկրներ չեն հայտնում նման տվյալներ։
Ըստ աղբյուրի՝ պատվաստումների կեսից ավելին՝ 4,67 միլիարդը, բաժին է ընկնում 3 երկրի՝ Չինաստանին, Հնդկաստանին ու ԱՄՆ-ին։
Նշվում է նաև, որ աշխարհում պատվաստումների տեմպն արագացել է․ նախորդ 1 միլիարդ պատվաստման համար ահրաժեշտ է եղել 1 ամիս, իսկ վերջին 1 միլիարդի համար 24 օր։
Հիշեցնենք, որ վերջերս ԱՀԿ ղեկավար Թեդոր Գեբրեյեսուսը հայտարարեց, որ համաճարակը հաղթահարելու համար անհրաժեշտ է, որպեսզի մինչև 2022 թվականի միջնամասը պատվաստված լինեն աշխարհի բնակչության առնվազն 70 տոկոսը։