Հայաստանի ազգային հավաքականը ժամանել է Իսլանդիա։
Այս մասին տեղեկանում ենք ՀՖՖ պաշտոնական կայքից։
Հիշեցնենք, որ վաղը՝ հոկտեմբերի 8-ին, Իսլանդիայում մեր ընտրանին կմրցի տեղի հավաքականի հետ՝ Աշխարհի առաջնության որակավորման խմբային փուլի 7-րդ տուրի շրջանակներում։ Խաղը մեկնարկելու է Երևանի ժամանակով 22:45-ին։
Հիշեցնենք նաև, որ Հայաստանը J խմբում է հանդես գալիս ու այս պահին 11 միավորով գտնվում է 2-րդ հորիզոնականում։