Հայաստանի Հանրապետության և Ադրբեջանի Հանրապետության միջև պետական սահմանի սահմանազատման ու սահմանային անվտանգության պետական հանձնաժողովների վաղվա հանդիպումը տեղի կունենա Տավուշի մարզի և Ադրբեջանի սահմանային Ղազախի շրջանի հատվածում:
Հանդիպմանը կմասնակցեն Հայաստանի և Ադրբեջանի փոխվարչապետներ Մհեր Գրիգորյանն ու Շահին Մուստաֆաևը։
Այս մասին «Հայկական ժամանակ»-ին հայտնցին փոխվարչապետ Մհեր Գրիգորյանի գրասենյակից:
Նշենք, որ նույն այդ հատվածում էր կայացել նաև հանձնաժողովների վերջին՝ հուլիսի 12-ի հանդիպումը:
Բացի այդ, փոխվարչապետներ Մհեր Գրիգորյանի և Շահին Մուստաֆաևի գլխավորած այս հանձնաժողովները ևս երեք հանդիպում են անցկացրել. առաջինը՝ 2022-ի մայիսին Երասխ բնակավայրի ուղղությամբ Նախիջևանի սահմանին, հաջորդը՝ Մոսկվայում 2022-ի օգոստոսին, ապա՝ Բրյուսելում նոյեմբերին:
ԱԳ նախարարների մակարդակով վաշինգտոնյան սպսվող հանդիպման բոյկոտից հետո Բաքուն հայկական կողմին առաջարկել էր բանակցել հայ-ադրբեջանական պետական սահմանին, ինչին Երևանը դրական էր պատասխանել։
