Առողջապահության նախարարության մամուլի խոսնակ Ալինա Նիկողոսյանը հայտնել է, որ Հայաստանում, գրանցվել է Կավասակի հիվանդության երկրորդ դեպքը:
Մամուլի խոսնակը նշել է, որ երեխան 9 տարեկան է:
«Վիճակը սկզբում եղել է ծանր, դեղամիջոցների միջամտությամբ վիճակը կայունացել է։ Արդեն կա կլինիկական բարելավում»,-հավելել է Նիկողոսյանը:
Հիշեցնենք, որ ավելի վաղ հայտնել էինք, որ կորոնավիրուսի ախտանիշներ ունեցող 4-ամյա երեխայի մոտ կավասակիի սինդրոմ է արձանագրվել, այս դեպքի հետ կապված խոսնակը հայտնել է, որ երեխան արդեն դուրս է գրվել բժշկական կենտրոնից, սակայն գտնվում է բժիշկների հսկողության տակ:
Այս մասին տեղեկանում ենք NEWS.am-ից:
Նշենք, որ կավասակին հազվագյուտ հիվանդություն է, կրում է ճապոնացի բժշկի անունը և առաջին անգամ նկարագրվել է 1967 թ.: Հիվանդության ախտանիշներն են արյան անոթների բորբոքում, ցան, այտուցվածություն, ցավ որովայնի շրջանում, փսխում և շրթունքների չորացում: Այն ազդում է մինչև հինգ տարեկան երեխաների վրա: