Հայաստանի հավաքականը քամբեքի միջոցով փառահեղ հաղթանակ տարավ Ջիբրալթարի հավաքականի նկատմամբ խոշոր հաշվով:
Հանդիպումը անցավ բավականին լարված մթնոլորտում ու խաղի 10-րդ րոպեին Ջիբրալթարի ֆուտբոլիստներին հաջողվեց առաջ անցնել հաշվի մեջ, բայց նրանց ուրախությունը երկար չտևեց: 27-րդ րոպեին Յուրա Մովսիսյանին հաջողվեց հավասարեցնել հաշիվը, որից հետո Ջիբրալթարի հավաքականը քանդվեց և մեր տղաները դարձան անկասելի ու իրար ետևից խփեցին 4 գնդակ:
Վերջնամասում Ջիբրալթարի և Հայաստանի հավաքականները մեկական գոլով փոխանակվեցին և արդյունքում գրանցեցինք խոշոր հաշվով հաղթանակ՝ 2:6 հաշվով, վաստակեցինք 3 միավոր և վաստակած ընդհանուր 9 միավորով բարձրացանք խմբի 2-րդ հորիզոնական՝ զիջելով միայն Մակեդոնիային, ով իր հերթին կարողացավ այսօր հաղթել Լիխտենշտեյնի հավաքականին ու առաջ անցնել Հայաստանի հավաքականից 3 միավորով:
Հ.Գ. Նշենք նաև, որ Յուրա Մովսիսյանն այս խաղում դարձավ պոկերի հեղինակ՝ խփելով 4 գոլ մեկ խաղի ընթացքում: