Հրդեհ «Շիրակ մոլ» առևտրի կենտրոնում

Մայիսի 30-ին, ժամը 22:21-ին «911» ծառայությանն ահազանգ է ստացվել, որ հրդեհ է բռնկվել Շիրակի մարզի Գյումրի քաղաքի «Շիրակ մոլ» առևտրի կենտրոնի շենքում:

Դեպքի վայր են մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ և մարզային փրկարարական վարչության օպերատիվ խումբը:

Պարզվել է, որ հրդեհը բռնկվել է Պռոշյան փողոցի թիվ 77/3 հասցեում գտնվող սրճարանի տանիքում:

Հրդեհը մեկուսացվել է ժամը 22:52-ին, մարվել՝ 23:42-ին:

Այրվել են սրճարանի տանիքի փայտյա կառուցատարրերը (մոտ 200 քմ): Հրդեհի հետևանքով տուժածներ չկան:

Այս մասին տեղեկանում ենք ՀՀ ԱԻՆ պաշտոնական կայքից։