fbpx
Հասարակություն

17:30 12/4/2019

Հրդեհի հետեւանքով այրվել է դատական նիստերի դահլիճի գույքը

Լոռու մարզի ընդհանուր իրավասության դատարանի Սպիտակի նստավայրի նիստերի դահլիճում բռնկված հրդեհի հետեւանքով այրվել է նիստերի դահլիճի գույքը։ Այս մասին հայտնում են ԱԻՆ-ից՝ նշելով, որ հրդեհը մարվել է։

Ժամը 11:57-ին «911» ծառայությանն ահազանգ է ստացվել, որ Լոռու մարզի ընդհանուր իրավասության դատարանի Սպիտակի նստավայրի նիստերի դահլիճում հրդեհ է բռնկվել:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից երեք մարտական հաշվարկ և մարզային փրկարարական վարչության օպերատիվ խումբը:

Պարզվել է, որ հրդեհը բռնկվել է Ալեք Մանուկյան փողոցի թիվ 2/10 հասցեում գտնվող Լոռու մարզի ընդհանուր իրավասության դատարանի Սպիտակի նստավայրի նիստերի դահլիճում:

«Հրդեհը մեկուսացվել է ժամը 12:23-ին, մարվել՝ 12:39-ին: Այրվել է դատարանի նիստերի դահլիճի (մոտ 60 քմ) գույքը՝ մասամբ»,- հայտնում են ԱԻՆ-ից:

Վերեվ