Հռոմի պապը նոր կորոնավիրուսի տարածումը կանխելու նպատակով փոխել է իր քարոզարշավի ձևաչափը և հավատացյալների հետ կիրակնօրյա քարոզը անցկացրել է տեսակապով:
Սովորաբար Վատիկանում` Սուրբ Պետրոսի հրապարակում, պապի քարոզը լսելու համար հավաքվում են տասնյակ, երբեմն՝ հարյուր հազարավոր մարդիկ աշխարի ամենատարբեր երկրներից:
Սակայն, այսօր Ֆրանցիսկոս պապն «Աստծո հրեշտակ» (Angelus) աղոթքը կարդացել է ոչ թե Վատիկանի Առաքյալական պատուհանից, այլ գրադարանից:
«Մենք այսպես ենք աղոթում՝ հաշվի առնելով կանխարգելիչ միջոցներ ձեռնարկելու մասին իտալական կառավարության հանձնարարականը»,- աղոթքից առաջ ասել է Ֆրանսցիսկոս պապը:
Աղոթքը հեռարձակվել է տեսակապով և ցուցադրվել է Սուրբ Պետրոսի հրապարակում տեղադրված մեծ էկրանների վրա, իսկ հրապարակում հավաքված մարդկանց թիվն իշխանությունը սահմանափակել է: Պապի աղոթքը հեռարձակել են նաև հեռուստատեսությունը և կայքերը:
Հիշեցնենք, որ Իտալիայում բռնկվել է նոր տեսակի կորոնավիրուս՝ կան բազում վարակվածներ, ինչպես նաև գրանցվել են մահվան դեպքեր:
ԽՈՐՀՈւՐԴ Է ՏՐՎՈւՄ ԿԱՐԴԱԼ
