Չինական Huawei կորպորացիան հայտարարել է 5.5G կապի նոր ստանդարտի գործարկման մասին։ Այս մասին հայտնում է The Register-ը։
Նոր ստանդարտի մասին ընկերության ներկայացուցիչները խոսել են Շանհայում Mobile World Congress միջոցառմանը։ Huawei-ը խոստացել է, որ հինգերորդ սերնդի կապի ստանդարտի ավելի առաջադեմ տարբերակը կբարելավի ցանցային հնարավորությունները օպերատորների և բիզնեսի համար՝ «համապատասխանաբար 10 և 100 անգամ»: Ընկերության ինժեներները նշել են, որ համապատասխան տեխնոլոգիաներն արդեն փորձարկվել են, իսկ 5.5G ցանցերի փորձնական գործարկումը նախատեսված է 2024 թվականի առաջին կեսին։
Huawei-ն իր գրառման մեջ ասում է, որ 5.5G-ն ավելի ուշ կլինի հիմնական ստանդարտը: Ընկերությունը նշել է, որ ստանդարտը ենթադրում է կապ մարդկանց, իրերի, տրանսպորտային միջոցների, արդյունաբերության և տան համար:
Ըստ The Register-ի լրագրողների՝ բացի Huawei-ից, հեռահաղորդակցության ընկերություններից ոչ մեկը չի օգտագործում 5.5G նոմենկլատուրան։ Բացի այդ, 3GPP կոնսորցիումը, որը մշակում է բջջային հեռախոսակապի բնութագրերը, պաշտոնապես չի հայտարարել նոր ստանդարտի մասին: 3GPP կապի ավելի առաջադեմ ստանդարտը կոչվում է 5G-Advanced, որը կապահովի տվյալների փոխանցման արագություն մինչև 10 գիգաբայթ վայրկյանում:
