Հանթեր Բայդենի և ծայրահեղ աջ քաղաքական մեկնաբան Նիկ Ֆուենտեսի միջև Ֆիլադելֆիայում տեղի ունեցած հարցազրույցի ժամանակ լարված միջադեպ է գրանցվել, որը, ըստ TMZ-ի տեղեկությունների, գրեթե վերածվել է ֆիզիկական բախման։
Նկարահանումները, որոնք տեղի են ունեցել կիրակի օրը, կազմակերպվել են Channel 5-ի լրագրող Էնդրյու Քալագանի կողմից։ Աղբյուրների փոխանցմամբ՝ թեև զրույցը սկսվել է սովորական հունով, սակայն քաղաքական հակադիր հայացքներ ունեցող երկու գործիչների միջև քննարկումը արագորեն թեժացել է։ Վիճաբանությունը հասել է այնպիսի կետի, որ Քալագանը ստիպված է եղել միջամտել՝ կանխելու համար իրավիճակի հետագա սրումը։
Ըստ շրջանառվող տեղեկությունների՝ հարցազրույցի նախաձեռնողը եղել է Ֆուենտեսը, ով ցանկացել է հարթակ ստանալ հանրային ընկալումների շուրջ իր տեսակետները ներկայացնելու համար։ Հանդիպման նպատակը եղել է քաղաքական լուրջ տարաձայնությունների պայմաններում ընդհանուր եզրեր գտնելը։ Առայժմ ոչ Հանթեր Բայդենը, ոչ էլ Նիկ Ֆուենտեսը պաշտոնական մեկնաբանություններ չեն տվել միջադեպի վերաբերյալ։ Channel 5-ը դեռևս չի հրապարակել նկարահանված նյութը, որի թողարկումը սպասվում է այս ամսվա վերջին։
Նկարը՝ Politics & Poll Tracker