Հասարակություն

Հայաստանի բազմաթիվ ճանապարհների մերկասառույց է. Լարսը փակ է բեռնատարների համար

ՀՀ տարածքում մի շարք ավտոճանապարհներ փակ են կամ դժվարանցանելի՝ կապված մերկասառույցի և ձմեռային եղանակային բարդ պայմանների հետ։ Փրկարար ծառայությունը հայտնում է, որ հատկապես բարդ իրավիճակ է ստեղծվել Արագածոտնի մարզում, որտեղ փակ են «Ամբերդ» բարձր լեռնային օդերևութաբանական կայանից դեպի Քարի լիճ և Ամբերդ ամրոց տանող ճանապարհները։

Սպիտակի ոլորանները դժվարանցանելի են բեռնատարների համար։ Այս հատվածներում վարորդներին խստորեն խորհուրդ է տրվում երթևեկել ձմեռային անվադողերով՝ անվտանգության նկատառումներով։

Մերկասառույց է նկատվում Վարդենյաց լեռնանցքում, ինչպես նաև Արտաշատ, Վեդի, Ապարան, Արագած տարածաշրջաններում և մի շարք այլ ճանապարհահատվածներում, ներառյալ Տաթև-Լծեն, Գորայք-«Զանգեր», Երևան-Սևան, Երևան-Արտաշատ, Նոյեմբերյան-Իջևան և Բերդ-Ճամբարակ ուղղությունները։

Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ճանապարհահատվածը ներկայումս փակ է բեռնատարների համար։

Տարածքային և տեղական ճանապարհների անվտանգության համար կարևոր է պահպանել համապատասխան ուղեցույցները՝ չվտանգելով երթևեկության մասնակիցների կյանքն ու գույքը։ Վարորդներին հորդորում են նախօրոք ստուգել ճանապարհային պայմանները և երթևեկել բացառապես ձմեռային անվադողերով:

ԱՄԵՆԱԴԻՏՎԱԾՆԵՐԸ

ՎԵՐ