Ինդոնեզիայի կառավարությունը մոտ 51,5 տոննա մարդասիրական օգնություն է ուղարկել Գազայի հատվածի բնակիչներին։ Փոխադրման արարողությանը ներկա է եղել երկրի նախագահ Ջոկո Վիդոդոն։
«Գազայում տեղի ունեցած հումանիտար ողբերգությունն անընդունելի է և պետք է անհապաղ դադարեցվի։ Կցանկանայի ընդգծել, որ Ինդոնեզիան միշտ Պաղեստինի ժողովրդի կողքին կլինի»,- նրա խոսքերն է մեջբերում Antara-ն։
Վիդոդոն հույս է հայտնել, որ բեռը նախ կուղարկվի Եգիպտոս, այնտեղից էլ կտեղափոխվի Գազա։ Նախագահի խոսքով՝ մարդասիրական օգնությունը ներառում է բժշկական սարքավորումներ, վերմակներ, վրաններ։ Բեռի առաքման համար կօգտագործվի երկու ռազմատրանսպորտային ինքնաթիռ, ինչպես նաև Garuda Indonesia ինքնաթիռ։
Արարողությանը ներկա Պաղեստինի դեսպանը շնորհակալություն է հայտնել Ինդոնեզիայի կառավարությանն ու ժողովրդին, ովքեր մասնակցել են օգնություն հավաքելուն։ «Ինդոնեզիայի ժողովուրդը հասկանում է և դիվանագիտական ճանապարհով պայքարում է մեր կողմից: Մենք վստահ ենք, որ մենք հաջողության կհասնենք և կազատագրվենք՝ Ինդոնեզիայի՝ ամենամեծ մահմեդական երկրի օգնությամբ»,- ասել է նա։
![](https://azat.tv/wp-content/uploads/2022/09/azattvlogoblack.png)