Ինդոնեզիայի իշխանություններն ավելի քան 17 հազար մարդ են տարհանել ցունամիից տուժած շրջաններից, որն առաջացել է Անակ-Կրակատաու հրաբխի ժայթքումից, հայտնել է Ինդոնեզիայի արտակարգ իրավիճակների գործակալության պաշտոնական ներկայացուցիչ Սուտոպո Պուրվո Նուգրոհոն:
«Նրանք մշտական բնակության վայրեր կվերադառնան միայն ողբերգության հետևանքների վերացումից, իրենց տների ու ենթակառուցվածքի վերականգնումից հետո, որոնք ավերել է ցունամին», – Նուգրոհոյի խոսքը մեջբերում է «Սինհուա» գործակալությունը:
Ցունամիից տուժած Զոնդյան նեղուցում՝ տուժած գոտում, պահպանվում են եղանակային բարդ պայմանները: Ինդոնեզիայի օդերևութաբանական գործակալության տվյալներով՝ դրանք կարող են հերթական սեյսմիկ ակտիվությունն առաջացնել այս շրջանում և հանգեցնել Անակ-Կրակատաու հրաբխի նոր ժայթքման:
