Անգլիայի հավաքականի նախկին հարձակվող Հարրի Լինեկերը իր ինստագրամյան էջում գրառում է կատարել.
«Ինձ մի պահ թվաց, որ այլևս չեմ տեսնի որդուս: Քիչ էր մնում նրան սպանեին ֆուտբոլային հանդիպման ժամանակ»:
Դեպքը տեղի է ունեցել Աշխարհի առաջնության որակավորման փուլի Լիբերիա-Սյեռա Լեոնե խաղի ժամանակ: Լինեկերի որդին հեռուստաընկերություններից մեկի համար ուղիղ ռեպորտաժ պատրաստելիս է եղել: Այն բանից հետո, երբ Լիբերիայի ֆուտբոլիստը չի իրացրել տասնմեկ մետրանոց հարվածը, զայրացած երկրպագուները ներխուժել են խաղադաշտ և սկսել են քարերով հարվածել: Նրանք շրջափակել են նաև Լինեկերի որդուն և միայն անվտանգության աշխատակիցն է կարողացել փրկել երիտասարդին:
Իր գրառման մեջ ֆուտբոլիստը հորդորել է, որ մարդիկ ավելի հոգատար լինեն երեխաների հանդեպ: