Մասիսի քրեական հետախույզները օպերատիվ տեղեկություններ էին ստացել, որ Արարատի մարզի Գետափնյա գյուղի 48-ամյա մի բնակիչ թմրանյութ է պահում և օգտագործում: Այս մասին հայտնել է ՀՀ ոստիկանությունը։
«Հունիսի 1-ին կասկածվողը հայտնաբերվեց ու բերման ենթարկվեց բաժին։
Նրա անձնական խուզարկությամբ հայտնաբերվեց մարիխուանայի նմանվող զանգվածով լուցկու տուփ։
Հետագա միջոցառումներով պարզվեց, որ նա թմրանյութը 10 հազար դրամով ձեռք էր բերել համագյուղացուց:
Օպերատիվ-հետախուզական միջոցառումները շարունակվեցին։ 37-ամյա տղամարդը հայտնաբերվեց ու, թմրանյութ իրացնելու կասկածանքով, բերման ենթարկվեց: Նա ձերբակալվել է»,- ասվում է հաղորդագրության մեջ:
Նշվում է, որ նշանակվել են փորձաքննություններ: Հանգամանքները պարզվում են։