Isna.ir լրատվական կալյքը հայտնում է, որ Իրանի նախագահի աշխատակազմի ղեկավարը Հայաստան-Ադրբեջան սահմանային բախումների կապակցությամբ անհանգստություն է հայտնել։
Իրանի նախագահի աշխատակազմի ղեկավար Մահմուդ Վաեզին Twitter-ի իր էջում հայ-ադրբեջանական սահմանային լարվածության մասին գրառում է կատարել։
«Հայաստանի և Ադրբեջանի սահմանային բախումները սպառնալիք են երկու երկրների շահերի և տարածաշրջանի կայունության համար։ Ճգնաժամից դուրս գալու միակ ուղին խնդիրների քաղաքական կարգավորումն է՝ կողմերի շահերի ու տարածքային ամբողջականության հաշվի առմամբ։ Իրանի իսլամական հանրապետությունը չի հապաղի որևէ օգնություն ցուցաբերել այս հարցում՝ հաշվի առնելով անցյալում իրականացված միջնորդությունը և հարևանների հետ հարաբերությունները»,- ասված է գրառման մեջ։
درگیری مرزی #آذربایجان و #ارمنستان منافع دو کشور و ثبات منطقه را تهدید کرده و موجب نگرانیست.حل و فصل سیاسی مسئله با در نظر گرفتن منافع طرفین و تمامیت ارضی آنها تنها راه خروج از بحران است. ج.ا.ا با توجه به میانجیگری در گذشته و روابط همسایگی از هر کمکی در این زمینه دریغ نخواهد کرد.
— Mahmoud Vaezi | محمود واعظی (@Dr_Vaezi) July 14, 2020