Ֆրանսիան ԱՄՆ-ի թույտվության կարիքը չունի Իրանի հետ հարաբերություններում լարվածությունը մեղմացնելու ջանքերում: Այս մասին հայտնել է Ֆրանսիայի ԱԳ նախարար Ժան Իվ Լե Դրիանը՝ արձագանքելով ԱՄՆ նախագահին:
Ավելի վաղ ԱՄՆ նախագահ Դոնալդ Թրամփը մեղադրել է Ֆրանսիայի նախագահ Էմանուել Մակրոնին Իրանի հարցում Վաշինգտոնի քաղաքականությանը միջամտելու մեջ: Նա համապատասխան գրառում է կատարել թվիթերյան իր էջում: Նա գրել էր, թե Փարիզը Թեհրանին խառը ազդակներ է ուղարկում:
Ավելի վաղ Իրանի նախագահ Հասան Ռոհանին հայտնել էր, որ եթե ԱՄՆ-ն բանակցություններ է ցանկանում, ապա պետք է դադարեցվեն հակաիրանական պատժամիջոցները։