Իրանի նախագահը կհանդիպի Պուտինին

Ռուսաստանի նախագահ Վլադիմիր Պուտինի հրավերով ՌԴ կմեկնի Իրանի նախագահ Իբրահիմ Ռայիսին։

Այս մասին այսօր հայտնել է Իրանի ԱԳՆ խոսնակ Սայիդ Խադիբզադեն։

Նա նշել է, որ նախատեսվում է հանդիպում Պուտինի հետ, որի ընթացքում քննարկվելու են օրակարգում դրված մի շարք թեմաներ, այդ թվում երկու երկրների համագործակցությունը մշակութային, քաղաքական ու տեխնոլոգիական առումներով։

ԱԳՆ խոսնակը հույս է հայտնել, որ հանդիպումը կտա իր դրական արդյունքները։