Իսրայելի պաշտպանության բանակը հայտնել է, որ ավիացիան գիշերը ավիահարվածներ է հասցրել Գազայի հատվածում ՀԱՄԱՍ-ին և Իսլամական ջիհադին պատկանող ավելի քան 200 թիրախի:
«Գիշերվա ընթացքում տասնյակ կործանիչներ Ռիմալում և Խան Յունիսում խոցել են ավելի քան 200 թիրախ»,- ասվում է բանակի մամուլի հաղորդագրության մեջ։
Զինվորականները պնդել են, որ այս երկու տարածքներն օգտագործվում են որպես «ահաբեկչական կենտրոններ», և այնտեղից զգալի թվով ահաբեկչություններ են իրականացվել։
Մասնավորապես օդուժը թիրախավորել է ՀԱՄԱՍ-ի զենքերի պահեստը մզկիթում, ՀԱՄԱՍ-ի հրամանատարական կենտրոնը՝ մեկ այլ մզկիթում, ՀԱՄԱՍ-ի մի քանի «օպերատիվ թաղամասեր», ենթակառուցվածք, որն օգտագործում է կազմակերպության բարձրաստիճան անդամը և «Իսլամական ջիհադի» «ահաբեկչական ենթակառուցվածքը»:
