Վաղը՝ հունիսի 17-ին, տեղի է ունենալու 44-օրյա պատերազմի ժամանակ զոհված Հենրիկ Հակոբյանի անվան ջրագնդակի հուշամրցաշարը: Մասնակցելու է նաև Զինվորի տան թիմը:
«Զինվորի տուն վերականգնողական կենտրոն»-ը հայտնում է, որ հուշամրցաշարը կազմակերպում է Հենրիկ Հակոբյանի հայրը՝ լողի մարզիչ Համիկ Հակոբյանը: Հենց նա էլ Զինվորի տան տղաների թիմի մարզիչն է: Իսկ բացման արարողությանը, որպես հարգանքի տուրք՝ Հենրիկի հիշատակին և ի աջակցություն իրենց ընկերների, ելույթ կունենա Զինվորի տան պարի խումբը (պար «Կյանք ու կռիվ»):
