Կանադան աջակցում է Հայաստանի տարածքային ամբողջականությանը:
Այս մասին այսօր ՀՀ ԱԳ նախարար Արարատ Միրզոյանի հետ համատեղ մամուլի ասուլիսի ժամանակ հայտարարել է Կանադայի ԱԳ նախարար Մելանի Ժոլին։
Նրա խոսքով՝ Կանադան կանգնած է Հայաստանի ժողովրդի կողքին՝ աջակցելով երկրի ինքնիշխանությանն ու անկախությանը։
«Մենք հավատում ենք ձեր ժողովրդավարական ձգտումներին և պատրաստ ենք այս ուղղությամբ աշխատանքները խորացնել։ Կոչ ենք անում Ադրբեջանի իշխանություններին հարգել Լեռնային Ղարաբաղից տեղահանված հայերի վերադարձի իրավունքը»,- նշել է Կանադայի ԱԳ նախարարը։