Կանադայի իշխանությունները որոշում են կայացրել երկու անգամ կրճատել Կուբայում դեսպանատան անձնակազմի քանակը, ասվում է Կանադայի ԱԳՆ-ի հաղորդագրության մեջ:
Որպես պատճառ նշվում է աշխատակիցների առողջության և անվտանգության պահպանման նկատառումը:
Նշվում է, որ երկու տարում Կուբայում Կանադայի դեսպանության աշխատակիցներից 14 մարդ առողջության հետ կապված արտասովոր խնդիրներ է ունեցել (տեսողական և լսողական խնդիրներ, հավասարակշռության կորուստ, փսխում և այլն )։
Հավանայում գործող դեսպանությունում նախկինի պես կլինի դեսպանը, և հասանելի կլինեն բոլոր հյուպատոսական ծառայությունները։
