Կանադայում անտառային հրդեհներ են մոլեգնում

Կանադայի արևմտյան հատվածում գտնվող Ալբերտա նահանգում մոլեգնում են անտառային հրդեհներ: Այս մասին հայտնել է Global News-ը:

Տարածքից ավելի քան 5 հազար մարդ է տարհանվել:

Այժմ կրակի ընդգրկած տարածքը հասնում է մոտ 127 հազար հեկտարի։

Կրակը նկատելի է նույնիսկ մեծ հեռավորությունից: Այն տեղայնացնելու համար աշխատում է 600 հրշեջ և 28 ուղղաթիռ: Հրդեհաշիջման աշխատանքներին խանգարում է չոր եղանակը և ուժեղ քամին:

Նահանգի որոշ շրջաններում հայտարարվել է արտակարգ դրություն: