Կառավարության ծրագրի՝ Ազգային ժողովում հավանության արժանանալուց հետո կառավարության այսօրվա նիստում վարչապետ Նիկոլ Փաշինյանը հայտարարեց, որ իրենք մշակելու են այդ ծրագրից բխող միջոցառումների ծրագիր, սակայն դրանից զատ կազմվելու է նաև տնտեսական հեղափոխության միջոցառումների ցանկ։ Նիկոլ Փաշինյանը թվարկեց դրանք․
―վերանայել բոլոր ներդրումային ծրագրերը,
―կարգավորումների պարզեցման ճանապարհային քարտեզ մշակել, այդ թվում՝ ջրի, գազի, էլեկտրաէներգիայի կանխատեսելի հասանելիության խնդրի լուծման համար,
―արագացնել ներդրումային հայկական հիմնադրամի ստեղծման աշխատանքները։
Փաշինյանը նաև հիշատակեց մի քանի ծրագրեր, որոնք ուղղված են կոնկրետ սոցիալական խմբերի պաշտպանությանը։
