ՀՀ ոստիկանությունը հայտնել է, որ հուլիսի 2-ին «Վաղարշապատ» բժշկական կենտրոնից ոստիկանության Վաղարշապատի բաժին հաղորդում ստացվեց, որ «որովայնի թափանցող, կտրած-ծակած վերք» ախտորոշմամբ բուժօգնության է տեղափոխվել Առատաշեն գյուղի մի բնակիչ։
«Մեկնած օպերատիվ խումբը ձեռնարկել է անհետաձգելի միջոցառումներ՝ տեղի ունեցածն արագ բացահայտելու ուղղությամբ։
Բացահայտման միջոցառումներին միացել են ոստիկանության Արմավիրի մարզային վարչության քրեական հետախույզները։ Շուտով նրանք տվյալներ են ստացել, որոնք իրացրրել են Վաղարշապատի բաժնի գործընկերների հետ։
- Քաղաքացու ինքնության մասին տեղեկություն ունեցողներին ոստիկանությունը խնդրում է դիմել բաժին (ՏԵՍԱՆՅՈՒԹ)
- Ոստիկանությունը տղամարդուն ճանաչողներին խնդրում է դիմել բաժին (ՏԵՍԱՆՅՈՒԹ)
Պարզվել է, որ հուլիսի 2-ին, ժամը 10.45-ի սահմաններում, Առատաշենի բնակիչներից մեկը վիճաբանության ժամանակ դանակով խփել էր տուժածի որովայնին: Ճշտվել է նրա ինքնությունը։
Առատաշենի 39-ամյա բնակիչն ինքնակամ ներկայացել է Վաղարշապատի քննչական բաժին, ներկայացրել հանցագործության գործիք դանակը և տվել խոստովանական ցուցմունք:
Դեպքի առթիվ հարուցվել է քրեական վարույթ։ 39-ամյա տղամարդու նկատմամբ խափանման միջոց է ընտրվել բացակայելու արգելքը։
Կատարվում է նախաքննություն»,- ասվում է հաղորդագրության մեջ:
