ՀՀ վարչապետ Նիկոլ Փաշինյանը՝ պարետատան նիստից հետո առցանց ճեպազրույցի ընթացքում նշել է, որ Հայաստանում կորոնավիրուսի հետ կապված համաճարակային իրավիճակը շարունակում է մնալ ծանր. թեև առկա է բավականին կայուն իրավիճակ, սակայն խնդիրն այն է, որ ոչ մի երաշխիք չկա, որ այս կայունությունը կպահպանվի:
«Նոր տիպի կորոնավիրուսի հետ կապված համաճարակային իրավիճակը ՀՀ-ում, ցավոք, շարունակում է մնալ ծանր: Թեև կարող ենք ասել, որ մենք ունենք բավականին կայուն իրավիճակ, սակայն խնդիրն այն է, որ մենք ոչ մի երաշխիք չունենք, որ այս կայունությունը կպահպանվի: Եվ մեր միակ գործիքը հակահամաճարակային կանոնները խստիվ պահպանելու մեջ է՝ հնարավորինս համատարած և ՀՀ բոլոր բնակիչների կողմից: Եվ մենք շարունակում ենք լայնորեն քարոզչություն իրականացնել, իրազեկման աշխատանքներ տանել, որպեսզի մեր հայրենակիցները պահպանեն երեք պարզ հակահամաճարակային կանոնները»,- ասել է Նիկոլ Փաշինյանը:
Նա արձանագրեց, որ այն խնդիրը, որ դրել էին, լուծվում է, և դիմակների գները շուկայում ընկնում են: Եվ դրանք ամեն շաբաթվա հետ դառնում են ավելի մատչելի:
Հաջորդ ուղղությունը, որով կառավարությունը առաջ է շարժվում՝ առողջապահական կարողությունների զարգացումն է, որպեսզի հնարավորինս բարձրորակ ծառայություններ մատուցվեն կորոնավիրուսով վարակվածներին: Վարչապետը նաև հիշեցրեց, որ Հայաստանը բավականին մեծ թվով թթվածնային սարքեր է ձեռք բերել՝ պետական բյուջեի միջոցների հաշվին:
https://www.facebook.com/nikol.pashinyan/videos/259075122184010/?__xts__[0]=68.ARDTjCjBmC2NpNITMffZM8bWlan-5E-rSJqTtq3bktCpB8POK7vok0PyhSXILaEK1FrToQAmz0EFNCPE6WqfHcAe0lPxWv3DDfoYgoTRk84mvkpKZiy38jPl45C9j3c6hzngkfE8MzEDg4p1_25WftAAkO_AbwRq5daUNdKgYOMtT9Uu5L5h-4DUVL8MXAK-puohGZcBt9ImtRGEOa4M5SZke7iHt4ZZ6H-D7KLsx9yDlGdL4iaqmS_7sdwgWR98eGLmqUb6ZWLS-LZN25GaxPwHsx_quxOlSnnvdtabtj3GakkYAqLLBAzC0KRFd6rAPWsrzLfKze60r-z6T1G6xv1QCujpMvg1QyDPmg&__tn__=-R