ՀՀ ԿԳՆ փոխնախարար Լուսինե Առաքելյանը ֆեյսբուքյան իր էջում գրառում է կատարել, որով անդրադարձել է եղանակային պայմանների և դպրոցների ջեռուցման խնդրին։ Հայտարարության մեջ մասնավորապես ասված է.
«Հաշվի առնելով եղանակային պայմանները, ինչպես նաև դպրոցների ջեռուցման վերաբերյալ ստացվող ահազանգերը` տեղեկացնում ենք, որ ուսումնական հաստատություններում ջերմային ռեժիմի ապահովումը հաստատության տնօրենի պարտականությունն է:
ՀՀ ԿԳ նախարարության, Երևանի քաղաքապետարանի և մարզպտերանների կողմից ջեռուցման ժամանակաշրջանի որևէ սահմանափակում չկա:
Ուսումնական հաստատության ջեռուցումն իրականացվում է ըստ անհրաժեշտության` ՀՀ առողջապահության նախարարի 28.03.2017թ. հրամանով հաստատված սանիտարական կանոններով և նորմերով սահմանված պահանջներին համապատասխան»: