Այսօր ու վաղը երեկոյան Հանրապետության հրապարակում կհնչեն Հայկոյի երգերը

Սեպտեմբերի 30-ի ու հոկտեմբերի 1-ի երեկոյան՝ ժամը 20:00-ից 22:00-ն Հանրապետության հրապարակում կհնչեն Հայկոյի երգերը։

Այս մասին Facebook-ի իր էջում գրել է Երևանի քաղաքապետ Հայկ Մարությանը։

• Երգիչ Հայկոն մահացավ
• Հայկոյի հոգեհանգստի արարողությունը տեղի կունենա վաղը՝ Սուրբ Հովհաննես եկեղեցում

«Նա գնաց ծաղկուն տարիքում՝ կիսատ թողնելով իր երգը։

Հայկոն ոչ միայն բարձրակարգ արտիստ էր, բարձրաճաշակ երգիչ, այլև բացառիկ երաժշտագետ էր՝ երգարվեստում իր ուրույն ոճի կրողն ու տարածողը։

Նա սիրո երգիչ էր՝ հին ռոմանսների վերակենդանացնող, բայց նաև՝ մեր ժամանակների զարկերակն էր պահում իր ստեղծագործությամբ

Հանգչիր խաղաղությամբ, սիրելի ընկեր», – նշել է Մարությանը։