Կիմ Յո Չժոնը՝ ԿԺԴՀ-ի առաջնորդ Կիմ Չեն Ունի հարազատ քույրը, տեղ է գրավել երկրի բարձրագույն ղեկավարության կազմում: Այս մասին հունիսի 25-ին Yonhap գործակալությանը հայտնել է Կորեայի Հանրապետության Ազգային ժողովի (խորհրդարանի) պատգամավոր Լի Հե Հունը՝ ամփոփելով օրենսդիրների համար Ազգային հետախուզական ծառայության ներկայացուցիչների փակ բրիֆինգի արդյունքները:
Նրա խոսքով՝ այդ մասին է վկայում այն փաստը, որ անցած շաբաթ Կիմ Յո Չժոնը, որն զբաղեցնում է Կորեայի աշխատավորական կուսակցության (ԿԱԿ) Կենտկոմի քարոզչության բաժնի ղեկավարի առաջին տեղակալի պաշտոնը, միջոցառումներից մեկի ժամանակ նստած է եղել ԿԱԿ-ի ԿԿ-ի Միասնական ճակատի բաժնի վարիչ Կիմ Յոն Չհոլի կողքին:
Դրա հիման վրա հարավկորեական հեռախուզությունը եզրակացություն է արել, որ Կիմ Յո Չժոնի կարգավիճակը հյուսիսկորեական աստիճանակարգում բարձրացել է:
«Ինչպես երեւում է, նա բարձրացում է ստացել մինչեւ ամենավերին մակարդակ»,-նշել է Լի Հե Հունը:
Այժմ, հարավկորեական հետախուզության կարծիքով, Կիմ Չեն Ունի քույրն զբաղեցնում է պաշտոն, որը համադրելի է ԿԱԿ-ի ԿԿ-ի փոխնախագահի պաշտոնի հետ։
