Մխիթարյանը կմնա Ռոմայում

Իտալական «Ռոմայի» հայ կիսապաշտպան Հենրիխ Մխիթարյանը, ամենայն հավանականությամբ, կմնա ակումբում։

Այս մասին հայտնել է հռոմեական թիմի տնօրեն Տիագո Պինտոն, ում խոսքերը փոխանցում է DAZN-ը։

Պինտոն նշել է, որ Մխիթարյանի հետ պայմանագիրը երկարաձգելու հետ կապված խնդիրներ չկան։

Ըստ աղբյուրի՝ սպասվում է, որ հայ ֆուտբոլիստի հետ կկնքվի մեկ տարվա պայմանագիր։

Նշենք, որ Մխիթարյանի ներկայիս պայմանագիրը նախատեսված է մինչև այս տարվա հունիս։