Նոր հետազոտությունը ցույց է տվել, որ ֆլավանոլներով հարուստ կակաոյի խմիչքը կարող է պաշտպանել օրգանիզմի անոթային համակարգը սթրեսից, նույնիսկ բարձր ճարպայնությամբ սնունդի ընդունումից հետո, ըստ ScienceDail-ի։
Սննդի ընտրությունը սթրեսի պայմաններում կարող է ազդել սթրեսի հետևանքների վրա՝ հատկապես սրտանոթային առողջության մասով։ Բիրմինգհեմի համալսարանի վերջին ուսումնասիրությունը պարզել է, որ ճարպոտ սնունդը կարող է բացասաբար ազդել անոթային ֆունկցիայի վրա և նվազեցնել ուղեղի թթվածնի մատակարարումը։ Սակայն ֆլավանոլներով հարուստ կակաոն և կանաչ թեյը կարող են աջակցել անոթային ֆունկցիայի պահպանմանը սթրեսային պայմաններում։
Ուսումնասիրության ընթացքում հետազոտողները պարզել են, որ ֆլավանոլներով հարուստ կակաոյի խմիչքի օգտագործումը ճարպոտ սնունդի հետ համակցված կարող է նվազեցնել անոթային ֆունկցիայի վրա ճարպի բացասական ազդեցությունը։ Բացի այդ, հետազոտությունը ցույց է տվել, որ կակաոն, որը պարունակում է 695 մգ ֆլավանոլ, կարողացել է կանխել անոթային ֆունկցիայի անկումը՝ համեմատած ցածր ֆլավանոլ պարունակությամբ կակաոյի հետ։
Հետազոտության արդյունքները ցույց են տալիս, որ ֆլավանոլներով հարուստ սնունդը կամ խմիչքը կարող են օգնել մեղմել անառողջ սննդի ընտրության բացասական ազդեցությունը սթրեսի պայմաններում, ինչը հնարավորություն կտա ավելի լավ որոշումներ կայացնել սննդակարգի վերաբերյալ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
