Դեկտեմբերի 20-ի առավոտյան ժամը 7.00-ից հիմնանորոգումից հետո երթևեկության համար կբացվի Քանաքեռավանն Արաբկիր վարչական շրջանի հետ կապող «Կորեայի ձոր» կոչվող ճանապարհը։ Ճանապարհի վերանորոգման աշխատանքները ներառել են Տ-6-18 և Տ-6-44 հատվածները, որոնք գտնվում են Երևանի սահմանում։ Այս մասին տեղեկացնում է Ճանապարհային դեպարտամենտ հիմնադրամը։
Նշված ճանապարհը կարևոր կապող օղակ է երկու վարչական շրջանների միջև, և դրա վերանորոգումը կնպաստի երթևեկության որակի բարելավմանը։ Տեղական նշանակության այս ճանապարհի կմ0+000-կմ1+100 հատվածը այժմ պատրաստ է անվտանգ երթևեկության համար։ Հիմնադրամը կոչ է անում վարորդներին պահպանել երթևեկության կանոնները և զգուշությամբ օգտվել նոր վերանորոգված ճանապարհից։