ԱՀ դատախազությունը հայտնել է, որ փետրվարի 5-ին՝ ժամը 12:00-ի սահմաններում, Ասկերան քաղաքի մերձակայքում գտնվող «Օղտեն մաշկ» կոչվող տեղամասում տեղակայված ադրբեջանական մարտական դիրքից խոշոր տրամաչափի գնդացրով մի քանի կրակահերթ է արձակվել Ասկերանի շրջանի Խրամորթ գյուղի վարչական տարածքում գործող՝ «Ապագա սերունդների հիմնադրամ» ՍՊ ընկերության քարամշակման կետի բանվորներ Գ.Բ.-ի, Ա.Թ.-ի և Ա.Հ.-ի ուղղությամբ, որոնք տվյալ պահին տրակտորի վերանորգման աշխատանքներ էին կատարում:
«Արձակված կրակոցներից պաշտպանվելու նպատակով, մինչև ոստիկանության աշխատակիցների ժամանելը, վերջիններս շուրջ երկու ժամ ստիպված թաքնված են մնացել՝ այդ ընթացքում զանգելով և դեպքի մասին իրազեկելով իրենց տնօրինությանը:
- Ճարտար գյուղի բնակիչը ադրբեջանցիների կողմից հեռահար կրակոցով է սպանվել․ ԱՀ դատախազություն (ՏԵՍԱՆՅՈՒԹ)
- Ադրբեջանցիները հայ գերու առողջությանը ծանր վնաս են հասցրել․ ԱՀ դատախազություն
Դեպքի հանգամանքները պարզելու նպատակով Արցախի ոստիկանության կողմից ձեռնարկվում են քրեադատավարական միջոցառումներ:
Մինչդատական քրեական վարույթի օրինականության նկատմամբ հսկողությունն իրականացնում է Ասկերանի շրջանի դատախազությունը»,- ասվում է հաղորդագրության մեջ:
