Բելգիայի հավաքականի դարպասապահների մարզիչ Էրվին Լեմենսը խոսել է Մադրիդի «Ռեալի» և ազգային հավաքականի դարպասապահ Տիբո Կուրտուայի խաղի մասին:
«Նրանք պետք է նրան այլ կերպ վերաբերվեն։ Տիբոն յուրօրինակ տղա է և այսպիսի խաղը բնորոշ չէ նրան: Սովորաբար Բելգիայի հավաքականում նա հանդես է գալիս ամենաբարձր մակարդակով, սակայն «Ռեալում» տառապում է Դե Խեայի սինդրոմով։ Երբ «Սանտյագո Բերնաբեուն» սուլում է, պետք է նայել ամբողջ թիմի խաղին:
Կուրտուան հիանալի դարպասապահ է, նա կփորձի «Ռեալին» կրկին երջանիկ դարձնել», – Լեմենսի խոսքը մեջբերում է Marca-ն։
Բելգիացին «արքայական» ակումբ է տեղափոխվել 2018 թվականի ամռանը «Չելսիից»։ Տրանսֆերի արժեքը կազմել է 35 միլիոն եվրո: