Հայտնի են դարձել 32-րդ անկախ Gotham մրցանակաբաշխության հաղթողները։ Այս մասին հայտնում է Variety-ն։
Տարվա լավագույն ֆիլմ է ճանաչվել Դեն Կվանի և Դանիել Շայներտի «Ամեն ինչ ամենուր և միանգամից» նախագիծը։ Երկրորդ պլանի լավագույն դերասան է ճանաչվել Կե Հույ Կվանը, ով խաղացել է դրանում։ Գլխավոր դերերի կատարողներից մրցանակը ստացել է Դանիել Դեդվայլերը, ով խաղացել է Till ֆիլմում։
Ռեժիսորական մրցանակը ստացել է Շառլոտա Ուելսը, ով նկարահանել է «Իմ արև» ֆիլմը։ Լավագույն սցենարի համար նշվել են Թոդ Ֆիլդը և նրա «Թառ» ֆիլմը։ «Լավագույն միջազգային ֆիլմ» անվանակարգում հաղթող է ճանաչվել ռեժիսոր Օդրի Դիվանի «Իրադարձությունը» դրաման, իսկ վավերագրական ֆիլմ անվանակարգում՝ «Ամեն ինչ շնչում է» մրցանակը: Դերասան Բեն Ուիշոուն նաև մրցանակ է ստացել հեռուստասերիալում լավագույն կատարման համար. խոսքը «Ցավում է» շոուի մասին է:
Անցյալ տարի The Squid Game-ը Gotham Awards-ում ճանաչվել է տարվա լավագույն շոու: Լավագույն ֆիլմ անվանակարգում հաղթել է Մեգի Ջիլենհոլի «Տարօրինակ դուստրը»: Նկարը նաև արժանացել է «Լավագույն սցենար» անվանակարգում, իսկ ինքը՝ Ջիլենհոլը, հայտնվել է «Մեծ բեկումնային ռեժիսորներ» անվանակարգում։
